Skíðafélag Ólafsfjarðar

Í dag fór fram síðasta gangan í Íslandsgöngu mótaröðinni, Fossavatnsgangan á Ísafirði. Fossavatnsgangan er orðið særsti skíðaviðburður á Íslandi og sem dæmi voru skráðir til leiks 550 keppendur í 50km göngu í dag! Á fimmtudag gengu svo um 100 manns 25km og á föstudag var fjölskylduganga þar sem þátttaka var mjög góð. 
Flottur hópur frá SÓ hefur verið duglegur í vetur að elta Íslandsgöngu mótaröðina og var Fossavantið engin undantekning frá því. Elsa Guðrún Jónsdóttir, Svava Jónsdóttir, Kjartan Helgason, Helgi Reynir Árnason, Diljá Helgadóttir, Ásgeir Frímannsson og Þórhallur Ásmundsson tóku öll þátt í dag og kláruðu sínar göngur með stæl!Okkar fólki gekk frábærlega í dag, Elsa Guðrún varð fyrst Íslenskra kvenna í göngunni á tímanum 02:56:19. Elsa vann þar með sinn flokk í Íslandsgöngunni. Svava varð í öðru sæti í sínum flokki, Diljá fjórða, Ásgeir tólfti, Helgi Reynir sjöundi, Kjartan 33 og Þórhallur annar, frábær dagur og veðrið lék við keppendur.