Skíðafélag Ólafsfjarðar

Á Páskadag var haldið Minningarmót um Nývarð og Frímann frá Burstabrekku. Mótið hefur verið haldið til fjölda ára og var áður hluti af bikarmótum sem haldin voru hér á Ólafsfirði. Farandbikarar eru í öllum flokkum og mikil saga sem fylgir orðið bikurunum. Jón Árni Konráðsson hefur haldið utan um mótið frá upphafi ásamt dyggrar aðstoðar fjölskyldunnar frá Burstabrekku. Á Páskadag var veður með eindæmum gott, sól og nánast logn. Alls tóku 42 þátt í mótinu sem er líklega nýtt innanfélags met til fjölda ára.